LAOAG CITY – Inbabawi ni Paris Olympics 2024 bronze medalist Nesthy Petecio ti rakurakna a saanen daytoy a makipaset pay iti 2028 Los Angeles Olympics.
Segun iti agtawen ti 3s a boksingero, sipod idi napaay a magun-od ti balitokl a medalya iti Paris Olympics ket arig naawanan daytoyen ti gagar isu a naibagana a maudin ti 2024 Olympics a pakipasetanna.
Ginutitgot isuna dagiti padana a boksingero ken nakakita ti rason tapno ituloy ti arapaapna senyales para iti 2028 Olympics.
Nakatutok ita ti atensionna iti pannakipaset iti 2025 World Boxing Championships idiay Liverpool, England inton Septiembre.
Naammoan nga idi Enero idi nakikadua isuna iti training camp-da idiay Baguio City no sadinno a sagsaganaanda ti pannakibinnalubalda iti Southeast Asian Games ken World Championships.
