Inpadamag ti Government Service Insurance System (GSIS) a nakagun-od da ti net income a Php37 bilion para iti umuna a kuarter ti 2024 no sadinno immadu iti 21% manipud iti net income a Php30.75 bilion iti umuna a kuarter ti 2023.
Inbatad ni Government Service Insurance System President ken General Manager Wick Veloso a kayat ti nadakamat nga ahensia ti agbalin a katalista a mangsuporta kadagiti panagpuonan iti nadumaduma a sektor tapno mapababa ti gastos iti enerhia ken mapalubosan ti vertical integration para kadagiti kompania ti panagminas a mangproseso kadagiti raw materials nga agbalin nga intermediates ken finished products.
Manipud idi ngudo ti Marso 2024, ngimmato ti asset ti Government Service Insurance System iti Php1.74 trilion nga addaan ti 10% a panagngato wenno Php156 bilion a nangatngato no idasig kadagiti lebel idi Marso 2023.
Kabayatanna, addaan ti Government Service Insurance System ti pannakaipatungpal ti estratehia a mangsuporta iti pakabuklan a panagdur-as ti ekonomia, a mangipamaysa kadagiti panagpuonan ken programana iti pabahay, enerhia, taraon, ken healthcare services.
