LAOAG CITY – Maiyuswat ti general election idiay New Zealand intono Nobyembre 7 ita a tawen.
Daytoy ti inwaragawag ni New Zealand Prime Minister Christopher Luxon kabayatan ti naisayangkat a press conference.
Kuna na a dagiti New Zealanders ti rumbeng nga agdesisyon no siasinno ti rumbeng a maipatugaw iti pwesto ken makabael a mangipaay ti natalged ken natibker a gobierno.
Ni Luxon, a dati nga airline executive ken immuna a naelektaran kas mangidaulo iti New Zealand kalpasan ti panagturay ni Jacinda Ardern, ket alisto a dimmur-as iti pulitika no sadinno a nagbalin a miembro ti parliament idi 2020, simmaruno ti panagbalin na a National Party leader ken prime minister idi 2023.
Nupay kasta, kimmapoy ti popularidad na idi panawen a panagturay na gapu iti panagkapsot ti ekonomiya ti New Zealand.
