LAOAG CITY – Dumalan iti training-seminar dagiti baro a naelektaran nga opisial manipud kadagiti nagduduma a Local Government Units kangrunaan dagiti City ken Municipal Mayors.
Segun ken ni Atty. Gerald Gallardo, Provincial Director ti Department of the Interior and Local Government, maisayangkat daytoy babaen ti panangidaulo ti Department of the Interior and Local Government Regional Office 1 ken ti Department of the Interior and Local Government Ilocos Norte.
Inbatadna a daytoy nga aktibidad ket makatulong tapno ad-adda pay a maimpormaran dagiti opisial kadagiti nasken nga aramidenda para iti ad-adda pay a napinpintas a panangidauloda kadagiti lugarda.
Inlawlawagna nga immun-unan a naisayangkat ti nasao nga aktibidad para kadagiti re-elected officials no sadinno a naimbitaran met dagiti nagduduma a resource speakers tapno mangipaay kadagiti nagduduma nga adal.
Innayonna a manarimaan ti pannaka-update ken pannakabisita ti comprehensive development plan dagiti Local Government Unit ken pannakaaramid ti executive and legislative agenda, Local Government Unit assessment, ti functionality audits ti peace and order, anti drug abuse council para kadagiti barangay officials.
