LAOAG CITY – Inpasigurado ti National Food Authority (NFA) nga addaan ti umdas a suplay ti bagas ti pagilian nangruna ita a panawen ti krisis iti Middle East.
Inbatad ni National Food Authority Administrator Larry Lacson nga iti agdama ket addaan ti 8 a milyon a sako ti bagas ti pagilian a kabaelanna nga agpaut ti agingga iti 10.3 nga aldaw.
Kunana nga adda ti 2 a milyon a sako ti nakasaganan a maipaay.
Inpettengna a dagiti lugar nga addaan ti dakkel a suplay ti bagas ket kabaelanna ti tumulong tapno manayonan ti stocks iti dadduma a lugar.
Kabayatanna, tapno masigurado nga adda ti umdas a suplay ti bagas ti pagilian tunggal panawen ti kalamidad ken emergencies ket saan nga iyal-alokar ti National Food Authority ti amin nga stocks iti P20 ti kada kilo a bagas program.
