LAOAG CITY – Agtultuloy a gumatang ti National Food Authority ti irik tapno masupusupan ti buffer stock ti pagilian.
Segun ken ni National Food Authority Acting Administrator Larry Lacson, ti National Food Authority ket addaan ti 136 a ribu a metriko tonelada ti irik a kabaelanna a suplayan ti pagilian iti uneg ti uppat nga aldaw idiay San Ildefonso, Bulacan.
Inbatadna a ti overall target ti irik a nagatang ita a tawen ket dumanon iti 495 a ribu a metriko tonelada nga umdas met iti siam nga aldaw a suplay ti bagas ti pagilian.
Kunana a regular a gumatgatang ti National Food Authority ti 60% ti stocks daytoy tunggal panagtutudo iti disente a presio nga ilaklako dagiti mannalon.
Kabayatanna, ti makitkita laengen a pannubok ti ahensia ita a panawen ti panagtutudo ket ti kinakurang dagiti pasilidad tapno ipamaga dagiti irik.
