LAOAG CITY – Inbatad ni Engr. Jonathan Corpuz, general manager iti NFA branch office ditoy probinsya nga agtultuloy ti panaggatang da ti irik manipod kadagiti mannalon.
Segun ken ni Corpuz, nu pay nagtalinaed iti 19 a pisos ti presyo iti kada kilo ti irik ket manamnama a mapagbalin daytoy a 22 a pisos apaman a maaprubaran.
Kuna na nga iti agdama ket adda ti agarup 36,000 a sako ti irik ti stock ti NFA pakairamanan ti agarup 7,000 a sako ti irik.
Inbatad na a dagiti nadakamat nga stock ket makaumanay a suplay agingga iti panagngudo ti bulan ti Setiembre.
Kabayatanna, inpakaammo ni Corpuz a gapu iti panagngato ti presyo dagiti produkto a petrolyo, diaya ti NFA ti pakalag-anan dagiti aglako ti irik.
Inbunannag na a daytoy ket babaen iti pannagbunag da a mismo ti lako nga irik dagiti mannalon manipod iti kabukbukudan dagitoy a lugar.
