LAOAG CITY – Inpasigurado ni Sec. William Dar iti Department of Agriculture (DA) a napagtutulagan da a gatangen amin ti NFA dagiti amin a nabasa nga irik dagiti mannalon ditoy probinsya
Malaksid iti daytoy, kunana pay a nakasagana ti Regional Inventory ti NFA ti intero a rehion.
Inrakurak na daytoy kabayatan ti press briefing a naiyuswat iti kapitolyo probinsyal iti panagbisita na kadwa na da Sen. Bong Go, Sen. Imee Marcos, Agriculture Sec. William Dar ken DSWD Sec. Rolando Bautista ditoy probinsya.
Kabayatanna, inkari met ni Bautista a matarimaan dagiti pagtaengan dagiti biktima ti Bagyo Ineng iti kabiitan a panawen.
Inikkan pay ni Bautista ti tulong pinansiyal nga umabot ti 10 a ribo a pisos dagiti pamilya a natayan gapo iti nasao a bagyo.
Innayon na a kadagiti met nasugatan ket makaawat ti lima ribo a pisos a tulong pinansyal.
