LAOAG CITY – Ilako ti National Food Authority (NFA) dagiti sumagmamano nga stock-da ti bagas kadagiti Local Government Units (LGUs) idiay Metro Manila.
Daytoy ket tapno mapalawa a maaddaan ti nalaka a bagas kadagiti merkado publiko.
Inbatad ni Agriculture Secretary Francisco Tiu Laurel Jr., ilako ti National Food Authority ti dua a bulan nga stock-da ti bagas iti balor a P38 iti kada kilo kadagiti Local Government Units a mailako met daytoy iti publiko iti nalaklaka a presio.
Segun iti sekretario a mangidadaulo met iti National Food Authority Council, daytoy nga addang ket makatulong iti National Food Authority nga ipaay dagiti sumagmamano nga stock daytoy gapu iti umas-asideg nga harvest season.
Kunana a gumatang ti National Food Authority ti nadalos ken namaga nga irik kadagiti sumaruno a lawas iti minimum a P23 iti kada kilo.
