LAOAG CITY – Inkalintegan ti National Food Authority (NFA) ti panagangkat ti bagas manipod iti sabali pagilian a daytoy ket makatulong tapno maliklikan ti panagkurang ti bagas iti pagilian.
Inbatad ni NFA Adminstrator Larry Lacson, a ti rice importation plan ket ilunglungalong dagiti private rice industry stakeholders group.
Inlawlawag na nga awan ti aniaman a papel ti gobierno maipanggep iti nasao nga isyu.
Innayon na nga awan pay ti dimmalan a permit kadakuada ken saan da nga agim-import ti bagas.
Maipalagip nga iti kallabes ket inrakurak ti Philippine Rice Industry Stakeholders Movement (PRISM) nga adda ti pinirmaan da a katulagadan iti USA Rice tapno palubusan ti pannakaiserrek ti bagas manipod iti Estados Unidos mangrugi intono 2027.
