LAOAG CITY – Naminsan manen nga inrakurak ti National Food Authority nga agkalikagum a makailako ti nalaka a bagas iti publiko.
Iti panagbitla ni Cavite Rep. Lani Mercado Revilla, naarisit ti agpanpanday linteg ni National Food Authority Director Larry Lacson no adda ti maitulong iti ahensia no maisubli ti bilegda a makailako kadagiti tiendaan.
Inbatad ni Lacson, dakkel daytoy a banag tapno maaddaanda ti outlet a mairuar ti suplay ti bagas.
Iti agdama, makalakoda laeng iti DSWD, Office of Civil Defense ken kadagiti lokal a gobierno no adda ti sumangbay ti kalamidad ken itivKadiwa Centers.
Adda ti 5.4 million bags a nakapenpen iti warehouse wenno katukad ti 275,000 metric tons ti bagas.
Kuna ni Lacson, daytoy a buffer stock ken umdas tapno mapakan ti intero a Pilipinas iti uneg ti walo nga aldaw.
