LAOAG CITY – Inrakurak ti National Food Authority (NFA) a mangisayangkat da ti auction para ti maysa a milyon a sako wenno nasurok a 50,000 a metriko tonelada nga aging rice stocks intono Hunyo ita a tawen.
Naitantan ti auction nga immuna koma a naiyuswat ita a bolan.
Segun ken ni National Food Authority Administrator Larry Lacson, namnamaen da nga ad-ado pay a traders ti makpaset iti auction uray addan ti maipatpatungpal a ₱50 ti kada kilo a price cap para iti imported rice ken ₱53 suggested retail price para iti lokal a bigas.
Innayon na a manarimaan paylaeng ti panangiyurnus ti National Food Authority ti pagannurutan para iti disposal ti daan nga rice stocks, idinto a target da nga ipangato ti auction prices tapno magutigot ti ad-ado a bidders.
