LAOAG CITY – Saan pay nga inparuk-at ti National Food Authority (NFA) dagiti nakapenpen a bagas kadagiti warehouse da kalpasan a naideklarar ti food security emergency iti napalabas a lawas.
Daytoy ti inrakurak ni National Food Authority Administrator Larry Lacson.
Immunan nga indeklarar ni Agriculture Secretary Francisco Tiu Laurel Jr. ti food security emergency on rice kas naibasar iti rekomendasyon ti National Price Coordinating Council (NPCC) gapu iti nangato a presyo ti bagas iti pagilian.
Iti babaen ti nasao a deklarasyon ket mapalubusan ti National Food Authority nga agilako kadagiti pondo da a bagas iti publiko iti nababbaba a presyo.
