LAOAG CITY – Target ti National Food Authority (NFA) ti gumatang iti agingga ti 500,000 a metriko tonelada nga irik ita a panwen ti panagapit.
Daytoy ti inbatad ni National Food Authority administrator Larry Lacson.
Inlawlawag na a ti target da a gatangen ita a tawen ket 790,000 a metriko tonelada, ngem ita laeng a panagapit ket gumatang da ti 500 a ribo a tonelada ti irik.
Nupay kasta, kuna ti National Food Authority nga itultuloy da ti gumatang ti ad-ado pay nga irik tapno magun-od da ti target ti ahensya a 790,000 a metriko tonelada sakbay nga agngudo ti agdama a tawen.
