LAOAG CITY – Kinumpirmaran ni Mrs. Conchita Ispa, aglaklako ti sili a sairo iti merkado publiko ditoy siudad ti Laoag nanginan ti presyo iti kada kilo ti sili a “sairo”.
Kuna na a manipud iti ili ti Bacarra, Vintar, Piddig ken iti siudad ti Batac dagiti ilaklako na a sili a a no sadinno a gatgatangen na iti 300 a pisos agingga iti 400 a pisos iti kada kilo.
Mainaig iti daytoy, naamuan a maib-ibos pay ketdi ti nasaoa a klase ti sili a sairo ket a mailako iti tiyendaan ditoy siudad.
Kuna ni Ispa a nagawan ti suplay ti sili a sairo gapu ti pannakadidigra ti probinsya ti Cagayan itay kallabes.
Kabayatanna, inpakaammo ni Mr. Denilo Nota, maysa nga aglaklako iti inartem a sili, nga adda ti nakita na nga aglaklako ti sili a sairo iti siudad ti Batac ngem agbalur iti 700 a pisos iti kada kilo.
Inbatad na a saan a makaabrot no sili a sairo ti artemen na.
Maipalagip a ginutigot ti City Agriculture Office dagiti mannalon nga agmula da ti sili a sairo kabayatan ti kangina na nga umabot pay iti 1,000 a pisos iti kada kilo.
Nupay kasta, bassit laeng dagiti nagmula iti nasao a klase ti sili.
