LAOAG CITY – Inbatad ni National Irrigation Administration Administrator Engr. Eduardo Guillien a ti Rice Processing System iti ili ti Piddig a makaipaay daytoy ti tulong kadagiti mannalon ket mapababa ti presio ti bagas ken manayonan ti mapastrekan dagiti mannalon.
Inbatadna tulungan ti kooperatiba a mangpataray iti Rice Processing System a buklen dagiti makinaria a mausar a pagpamaga ken pagillingan iti bagas ket makaipaay daytoy ti dakkel a tulong kadagiti mannalon.
Innayonna a naggapu iti PhilMec ti pondo iti pannakaipasdek ti Rice Processing System no sadinno ket mabalin pay a umay dagiti kabangibangan nga ili nga agpagiliing ken agpamaga ti bagas.
Kabayatanna, segun ken ni Felix Berto Cid, Presidente ken Chairperson ti Piddig Basi Multipurpose Cooperative a dakkel ti maipaay a tulong ti Rice Processing System kadakuada a mannalon saan laeng a ti kooperatiba.
