LAOAG CITY – Inbatad ni National Irrigation Administration Administrator Engr. Eduardo Guillien a dakkel ti maipaay na tulong kadagiti mannalon iti panawen ti tikag ti manamnama a mainaguraran a Small Reservoir Irrigation Project iti Brgy. Sulbec iti ili ti Pasuquin.
Segun kenkuana ket mapatta-patta nga umabot iti 700 hectare ti kaya nga ma-irrigate ti nasao a proyekto.
Innayonna a dakkel a tulong ti pannakaipasdek ti Small Reservoir Project gapu ta makatulong daytoy nga agurnong iti danom no panawen ti panagtutudo ken mabalin daytoy a mausar iti panawen ti tikag.
