LAOAG CITY – Naiget a naglikudan ni Atty. Nicholas Kaufman, dati a lead defense counsel ni dati a Presidente Rodrigo Duterte iti International Criminal Court (ICC), dagiti pammabalaw kenkuana mainaig iti maipagarop a panaglabsing na ti ethical standards ti korte.
Iti statement ni Kaufman, inpetteng na nga awan ti linabsing na nga ethical obligations iti International Criminal Court.
Segun kenkuana, dagiti kritisismo ni ICC Presiding Judge Joanna Korner ket saan nga indikasyon ti panaglabsing no di ket paset laeng ti maw-awagan ti “judicial sensitivity.”
Immunan nga inbatad ni Judge Korner a ti panangusig ken ni Duterte ket saan a rumbeng nga agdesisyon “court of public opinion.”
Inawagan na pay nga “inappropriate” dagiti immunan a nagbalin a rakurak ni Kaufman iti media.
Nupay kasta, inpetteng ti abogado nga amin dagiti nagbalin nga addang na ket naiget a nakaiyataday iti ICC code of conduct, ken awan ti linabsing na a pagannurutan iti obligasyon na kas counsel.
