LAOAG CITY – “Na-starstruck” ni Nico Locco iti umuna a gundaway a panagkitada ken ni Scottish actor a ni Iain Glen.
Ni Glen ti nagakem kas Ser Jorah Mormont iti action-fantasy series a Game of Thrones idi 2011 agingga iti 2019.
Makatrabaho ni Nico ni Iain iti Quezon, ti biographical historical movie ni Manuel L. Quezon, ti Commonwealth of the Philippines president manipud idi 1935 agingga iti 1944.
Maysa kadagiti paborito a series ni Nico ti Game of Thrones isu a nagbalin nga avid fan ni Nico idi nagkitada ken ni Iain iti script-reading para iti Quezon.
Ti Quezon ket pagbidaan ni Jericho Rosales manipud iti direksion ni Jerrold Tarog.
Naiyuswat ti script reading ti Quezon iti Manila Hotel idi Enero 30, 2025.
