LAOAG CITY – Manamnama a maisubli ti night market ditoy ciudad ti Laoag.
Gapu iti daytoy, temporaryo a mapaserraan to ti Villanueva St. ken Abadilla St. a pagpwestoan dagiti aglako iti night market.
Maiyuswat ti public hearing intono biernes tapno pagsasaritaan ti renta dagiti aglako iti night market.
Naamoan a naipalaon iti draft ordinance nga agbayad ti 50 a pisos no ti kawala ti pwesto ket 2.4 meters x 1.8 meters idinto a 30 a pisos no 1.2 meter x 1.8 meter.
Nailawlawag a sabali ti bayad iti uneg ti merkado publiko ken ti mabayadan iti night market.
Apaman a maaprubaran ti draft ordinance ket mangrugin a dagus ti night market ditoy ciudad ti Laoag.
