LAOAG CITY – Nagkiddaw ti panagkararag ita ti aktor a ni Niño Muhlach gapu iti mapaspasamak ita iti pamiliana.
Kagiddan daytoy iti panagpila ti kaso iti National Bureau of Investigation ti anakna a ni Sandro kontra kadagiti dua nga independent entertainment contractor ti maysa a TV Network.
Iti online account ti aktor ket dinakamatna ti sangsangoenda ken agkidkiddaw daytoy ti hustisia iti inaramidda iti anakna.
Nagyaman isuna kadagiti mangipakpakita iti suporta ken nangipaay ti panagkararag para iti anakna.
Maipalagip a nagipila ti reklamo a sexual molestation iti National Bureau of Investigation ti anak ti aktor a ni Sandro kontra kadagiti maipagarup a suspek nga isuda Jojo Nones ken Richard Cruz.
