LAOAG CITY – Adda pay ti tsana ti NLEX Road Warriors a makastrek iti playoffs ti PBA Season 49 Commissioner’s Cup.
Daytoy ket kageddan ti panagballigida kontra iti Phoenix Fuel Masters iti iskor a 108-94 iti ay-ayam a naiyuswat iti Ynares Center idiay Antipolo.
Indauloan iti panangabak ti NLEX ni Robert Bollick a nakairekord ti 26 points, siam a rebounds ken maysa nga steal idinto nga addaan ti 17 points, siam a rebounds ken steal ni Jonnel Policarpio.
Adda ti 15 points ni Tony Semerad idinto nga addaan met ti 11 points ti naaramid ni Rob Herndon.
Dinayaw ni NLEX head coach Jong Uichico dagiti local players gapu iti kontribusionda gapu ta ammoda ti kinapateg ti nasao nga ay-ayam.
Nasayang met ti naaramid a 36 points ken 14 rebounds ni Donovan Smith ti Fuel Master.
