LAOAG CITY – Nagkiddaw ti despensar ti Metro Pacific Tollways Corporation (MPTC) kadagiti motorista a naipit ti mano nga oras iti North Luzon Express (NLEX) gapu iti nakaro a panaglayus iti San Simon, Pampanga, kageddan ti pannakaikabil kadagiti temporario a flood control measure iti lugar.
Inbatad ti MPTC a nangikabil daytoy ti concrete barriers iti sumurok kumurang a 300 a metro ti northbound ken 300 metro ti southbound lanes iti Tylaoc area tapno agserbi kas temporario a pananglapped iti iseserrek ti layus iti expressway.
Mangiwaras met ti siphoning trucks ken mapaigetan ti pumping operations no nakontrolen wenno nakissayanen ti agtultuloy a panag-ayos ti danom nga agturong iti NLEX.
Iti met biang ti long-term solusion, plano ti NLEX nga ingato manen ti pavement iti northbound ken southbound portions ti Tulaoc Bridge tapno maaddaan ti kasapulan a vertical clearance, kageddan iti engineering assessment.
