LAOAG CITY – Naarestar ti No. 1 Most Wanted Person iti ili a Burgos babaen ti bileg ti warrant of arrest nga inparuk-at ni Hon. Judge Richard Balucio, Presiding Judge ti Municipal Trial Court ti Pasuquin-Burgos.
Nabigbig ti suspek a ni Elmar Salvador Benitez, 26, naasawaan, construction worker ken residente iti Brgy. Poblacion iti nasao nga ili.
Ni Benitez ket sumagsango iti kaso a reckless imprudence resulting in serious physical injury.
Naikkan ti gundaway ti suspek nga agpiyansa iti 24 a ribo a pisos para iti temporaryo a pannakawaya-waya na.
Maipalagip a napasamak ti insidente idi Disyembre 2012.
