LAOAG CITY – Inrakurak ti Laoag City Police Station dagiti schedule para ti panagbisita kadagiti kampo santo ditoy siudad ti Laoag para ti pannakaobserbar ti Todos Los Santos.
Basar iti LCPS, malukatan dagiti Kampo Santo ken Memorial Park para kadagiti agbisita iti alas-siete ti bigat agingga iti alas-siete ti rabii.
Maipatungpal ti “No Facemask, No Face Shield, No Entry Policy” ken iti pannakaobserbar ti Social Distancing.
Saan a makastrek iti kampo santo wenno Memorial Parks dagiti agtawen ti 60 agpangato ken agtawen ti 21 agpababa, agraman kadagiti addaan ti immunodeficiency, comorbidities wenno addaan ti health risk ken dagiti masikog.
Nasken a mangipakita dagiti agbisita iti proof of validation iti residensiya na, kas iti Valid IDs, barangay certification ken dadduma pay.
Naiget a maipawil a maiserrek dagiti mainom a nasanger, deadly weapons, ken videoke/karaoke.
Basar iti LCPS, amin a bumisita ket sumrek ken rumwar da kadagiti naituding nga entrance ken exit.
Iti panagserrek ket adda ti mapirmaan a logbook para iti contact tracing purposes.
