LAOAG CITY – Nagturong ni Muhammad Yunus idiay Bangladesh tapno agakem kas interim leader.
Segun ken Yunus adu pay dagiti trabaho a masapul a maaramid ken maileppas idiay Bangladesh, rason no apay nga agkalikagom isuna a mangidaulo iti interim.
Ti desision a nangdutok ken Yunus kas chief adviser ti interim government ket kalpasan ti panagtataripnong da President Mohammed Shahabuddin, dagiti lider ti militar ken dagiti lider dagiti estudiante a nagrally.
Kunana a sumagmamano a kanito kalpasan ti panagturong na iti kabesera ti Dhaka manipud France ket agsapat isunan.
Ni Yunus ket nakadano idiay Bangladesh sumagmamano nga aldaw kalpasan a nagtalaw ni Bangladesh Prime Minister Sheikh Hasina ken nagturong idiay India.
Maipalagip a nagikkat ni Hasina sumagmamano nga aldaw kalpasan ti naruay a protesta nga indauluan dagiti estudiante, ken nangitunda ti panakapapatay ti ginasut nga indibidual.
