LAOAG CITY – Malukatan manen ti North Korea para kadagiti gangannaet a turista mangrugi intono Disyembre ti agdama a tawen kalpasan ti agarop lima a tawen a panagserra na idi 2020 tapno protehiran ti pagilian da manipod iti covid-19 pandemic.
Basar iti Koryo Tours a nakabase idiay China, nakaawat da ti kumpirmasyon manipod iti local partner nga opisyal nga aglukat ti turismo iti Samjiyon ken possible nga uray iti nabatbati a paset ti North Korea intono Disyembre ita a tawen.
Ti Samjiyon ket asideg iti kabanbantayan a northern border ti North Korea iti China.
Maysa daytoy a gateway city agturong iti Mt. Paektu a nakaiyanakak ti pimmusay a Supreme leader a ni King Jong IL, ama ti agdama a North Korean leader a ni Kim Jong Un.
Immuna iti daytoy, sakbay ti pandemya ket limitadon ti turismo iti North Korea no sadinno a basar kadagiti tour company ket umabot iti 5,000 western tourists ti bumisbisita iti lugar iti kada tawen ken agarop 20 a porsiento kadagiti turista ket manipod iti Amerika.
