LAOAG CITY – Nagimula manen ti rinibribu a bomba ti North Korea kadagiti border-da.
Maibasar iti impablaak ti South Korea, adu a soldado manipud North Korea ti nagimula kadagiti bomba iti beddeng-da, iti laksid ti napudot a paniempo.
Malaksid iti daytoy ket nagipasdek pay ti North Korea kadagiti alad iti frontline area, a nakasango iti South Korea.
Nupay saan a detalyado ti eksakto a bilang dagiti naimula a bomba, patien ti South Korea a dumanon iti ribu daytoy.
Segun iti South Korea, idi napalabas a bulan key itantandudo ti North Korea a mangpapigsa iti depensana iti demilitarized zone, wenno ti lugar nga agserserbi a beddeng ti dua a pagilian, no sadinno a mapatta-patta nga umaboten iti iti sangapulo a panagbettak ti napasamak, ken nagresulta daytoy ti pannakatay dagiti soldado da.
Nangipakita da pay ti sumagmamano a ladawan kas pammaneknek iti napasamak, no sadinno a naruay a suldado ti makapaspasar ti saan a nasayaat a kasasaad mainayon pay ditoy ti agtultuloy a panagtrabahoda nga awan ti kasukatna.
Gapu iti daytoy, mapilitan nga agtrabaho dagiti soldado manipud 12 agingga iti 13 nga oras iti kada aldaw.
Nangnangruna kadagiti nabiit pay a bulan, no sadinno a dadduma a soldado manipud North Korea ti nangibati kadagiti kampoda ken nagturong da iti South Korea.
Malaksid kadagiti soldado, sumagmamano met a top diplomats ti pimmanaw ken nagturong idiay South Korea gapu iti nagduduma a rason.
