LAOAG CITY – Nangipabanto ti sumuruk-kumurang a 10 ballistic missiles ti North Korea nagturong iti Sea of Japan idi kalman, Marso 14, 2026, kagiddan ti nalawa a military exercises ti Estados Unidos ken South Korea.
Kinumpirmaran ti South Korea’s Joint Chiefs of Staff ken ti Japan Coast Guard ti inaramid ti South Korea no sadinno a dagiti ballistic missiles ket nagdissno iti baybay iti ruwar ti exclusive economic zone ti Japan.
Basar kadagiti opisyal, ti naggigiddan a panagipatayab ti missiles ket nalawag a sungbat ti Pyongyang iti “Freedom Shield” drills a masansan ng ibilang ti North Korea kas rehearsal para iti possible nga iraraot.
Nagballaag met ti Japan kadagiti barko ken eroplano nga adda iti nasao a ruta, idinto a ti Seoul ket nagpanawagan ti natibtibker a koordinasyon iti seguridad.
Ti insidente ket nangitunda ti panagamak iti rehiyon, aglalo ket ad-adda ti panangpaiget ti North Korea ti missile program da iti baet ti maipatpatungpal nga international sanctions, a mangikabil iti risgo ti naiget a tension ken possible a miscalculation iti Northeast Asia.
