LAOAG CITY – Nangipatayab manen kadagiti lobo a naglaon ti basura ti North Korea naiturong iti South Korea.
Daytoy ti kinumpirmaran iti South’s Joint Chiefs of Staff.
Immunan nga inulit ti militar ti South Korea ti ’round-the-clock loudspeaker broadcast campaign’ na agturong iti North Korea kas panagibales da ti ar-aramiden ti Pyongyang a panagipatulod ti basura iti border da.
Maipalagip a sipud idi Mayo ita a tawen ket rinugyan ti Pyongyang ti nagipatulod kadagiti rinibo a balloon a naglaon ti basura a nangrugyan ti tensyon ti dua a partido.
