LAOAG CITY – Naminsan manen a nangiwayat ti ballistic missile ti North Korea a nagturong iti east cost ken kadagiti kabaybayan a sakupen ti South Korea ken Japan.
Insayangkat ti missile launch sumagmamano nga aldaw kalpasan nga inrekomendar ni United States President Donald Trump ti panagkalikagumna a makipagsarita ken ni North Korean Leader Kim Jong Un.
Basar iti Pyongyang, timmama ti missile manipud iti amianan a laud a paset ti South Korea nga asideg iti border ti China ken kinumpirmaran daytoy ti Japan a nagsuek ti missile debris iti exclusive economic zone ti pagilian.
Inbatad ni Prime Minister Sanae Takaichi nga awan ti naipadamag a nadadael.
Maipalagip nga iti kallabes laeng ket sumagmamanon a daras a mangiwaywayat ti nagsasaruno a missile tests ti Pyongyang pakairamanan dagiti hypersonic ken cruise missiles.
Kitkitaen dagiti eksperto kas panangipakita ti North Korea ti kinapigsa iti baet ti agtaltalinaed a tension iti nagbaetan ti South Korea ken Estados Unidos.
