LAOAG CITY – Nagdesision ti North Korea nga isardengdan ti panangipatayab kadagiti lobo a naglaon kadagiti basura idiay South Korea.
Segun ken ni North Korea’s vice-defense minister Kim Kang Il a temporario nga isardengda ti nasao a panangipatulod kalpasan a nakairekorddan ti 15 a tonelada.
Depensa daytoy nga inaramidda ket maysa a sungbat laeng iti inaramid ti South Korea a mangipatpatayab kadagiti balloon a nagkarga ti anti-North Korea leaflets.
Maipalagip a nakaalarmaan ti South Korea ti nasao a panangipatulod kadagiti basura ti North Korea.
