LAOAG CITY – Inawagan ni Mr Victor Apelo, citizen idiay Tamuning Guam, ken tubo ti probinsya ti Isabela a nalastog ti North Korean lider a ni Kim Jung Un.
Saan a patyen ni Apelo a maaramid ti kumunista a pagilian ti pangta na a mangipabantu ti uppat a missile iti Guam.
Dinillaw na ti North Korea nga agipadpadas da pay laeng kadagiti missile idinto a ti Amerika ket nabayagen nga addaan dan ti arsenal defense system.
Inbatad ni Apelo a nakasagana ti Amerika, Japan ken South Korea a pabettaken ti kumunista a pagilian no bilang a maibanag ti pangta.
Segun kenni Apelo, saan da a mabuteng iti pangta ti North Korea gapu ta ammo da a saan nga ipalubos ti Amerika a madadael ti teritoryo da a Guam.
Mainaig iti daytoy, inbatad ni Apelo a no anya man ti agbalin a gasat ti Guam ket awanen ti maaramidan da.
