LAOAG CITY – Inrakurak ti China a mapan agatendar ni North Korean leader Kim Jong Un ti military parade idiay Beijing intono umay a lawas kadwa na ni Russian President Vladimir Putin.
Daytoy ket sumagmamano nga aldaw kalpasan nga inbatad ni US President Donald Trump a kayatna ti makipagkita ken ni Kim a saan unay a mangisaysayangkat ti foreign visits.
Ti “Victory Day” parade idiay China a maiyuswat intono Setyembre 3 ket paset ti maika-80 nga anibersaryo ti normal nga isusuko ti Japan idi World War Two ken ti panagngudon ti riribok.
Maibilang ti nasao nga aktibidad Kas senyales ti key diplomatic a panangabak ni Chinese leader Xi Jinping a mangilunglungalong ti baro a living nga idaulwan ti Beijing.
Da Putin ken Kim ket karaman kadagiti 26 a dadduma pay nga heads of state nga agatendar ti Parada idiay China.
Daytoy met ti kaunaan a panagatendar ti North Korean leader iti Chinese military parade sipud idi 1959.
