LAOAG CITY – Rinibo a tattao ti naapektaran ti nalawa a layos idiay North Korea.
Gapu iti daytoy ket indeklara ni North Korean Leader leader Kim Jong Un “state of emergency” iti intero a pagilian.
Basar kadagiti video ken ladawan ket arigna saanen a makita dagiti balbalay gapu iti pannakatinep da ti danom kalpasan ti sumagmamano nga aldaw a panagtudtudo na ti napigsa, kangrunaan na iti paset ti Sinuiju city ken ti Uiju county.
Naamoan a kaadoan kadagiti residente ket narescue babaen ti airlift.
Mainaig iti daytoy, personal a napan bimmisita ni North Korea leader Kim Jong kadagiti nalayos a lugar.
Nupay kasta, saan a naireport no adda dagiti pimmusay iti nalawa a layos ngem ti kumpirmado ket nasurok nga 4,200 a residente idiay North Korea ti naibakwit.
