LAOAG CITY – Inpannakkel ni North Korean leader Kim Jong-un ti baro nga ar-aramidenda a multiple rocket launchers a kabaelanna nga abaken ti kalaban.
Basar iti report, binisita ti North Korean leader ti pabrika nga agar-aramid ti nasao a rocket launchers.
Basar kadagiti top officials manipud iti missile programme ti North Korea, inbatad ni Kim a mausar ti weapon systems kas main strike ti militarda.
Kunana a maysa a super-powerful weapon ti baro a multiple rocket system gapu ta kabaelanna nga abaken ti kalaban iti babaen ti kellaat a “precise strike” nga addaan ti nangato nga accuracy ken devastating power.
Naammoan a mausar ti weapon system kadagiti dadakkel a concentrated attack iti military operations-da.
