LAOAG CITY – Nakaalerto ti siudad ti Sambhal iti northern India kalpasan a natay ti uppat a tattao ken dinosdosena ti nasugatan iti rinupak maipapan iti Centuries-old mosque.
Napasamak ti rinnupak iti nagbaetan dagiti agprotprotesta ken dagiti polis kabayatan ti surbey nga inmonitor ti korte iti Shahi Jama Masjid, maysa a monumento a sinalakniban ti pederal idi maika-16 a siglo.
Segun kadagiti autoridad iti estado ti Uttar Pradesh, nakairekord da iti uppat a kaso mainaig iti kinaranggas rason a sinuspenso da dagiti internet services ken pinaserraan da dagiti pagadalan.
Daytoy nga addang ket inbilin ti maysa a lokal a korte idi napan a lawas, sumagmamano nga oras kalpasan ti maysa a petision a nangibatad a ti mosque ket naipasdek iti mismo lugar a nakadadaelan ti templo.
