LAOAG CITY – Nangipasdek ti nasurok a 200ft a bonfire pyre nga addaan iti posibilidad a makagun-od iti Guinness World Record idiay Northern Island.
Segun iti napalabas a rekord ti komite idiay Larne, ti pagilian nga Austria ket nakarekord laeng iti di kumurang a 190ft idi 2019.
Pinasingkedan ti nadakamat a komite nga iti agdama ket nairekord daytoy iti maysa nga organisasion para iti opisial a pannakailadawan.
Mainaig iti daytoy, ad-adda a nagbalin a kontrobersial a gandaten ti maysa a professional skydiver a lumagto manipud iti ngudo ti nasao a pasdek.
Kabayatanna, kalpasan a naibangon ti nadakamat nga estruktura, nasilawan daytoyen idiay Ireland kas panangrambak iti 12th of July holiday.
