LAOAG CITY – Inbatad ni Major Bryan Albano, ti pannakangiwat ti Northern Luzon Command iti Armed Forces of the Philippines nga agtutuloy ti panagpaiget da kabayatan nga umas-asideg ti anibersaryo ti CPP-NPA intono Disyembre 26 ita a tawen.
Segun kenni Albano, agtultuloy latta ti security preparations da ken iti laksid a maibilang a bassit laengen ti pwersa ti terorista a grupo ket rumbeng latta a saan da nga agpakampante.
Inlawlawag na ng itultuloy da latta ti trabaho da iti laksid nga arig na kimmapsot ti grupo ken ado a miembro ti simmuko wenno nagsubli iti salinong ti gobierno.
Kunana nga ado latta ti lugar iti Luzon nga agkasapulan ti serbisyo ti gobierno ken armada.
Mainaig iti daytoy, inbatad ni Albano nga uray adda ti deklarasyon ti terorista a grupo nga uppat a ceasefire ket saan a sumursurot dagitoy kas iti napalpalabas a tawtawen.
Inpetteng na nga us-usaren ti terorista a grupo ti ceasefire tapno mangiyuswat ti opensiba wenno kinadamsak isut gapo na a saan da nga agrelax ken ammo dan ti ugali dagitoy.
Kabayatanna, kuna ni Albano nga awan met ti makitkita wenno mamonmonitor da a pangta ita a gundaway ngem saan da nga agpakampante no diket agtultuloy ti trabaho da.
