LAOAG CITY – Kinumpirmaran ni Engr. Daryll Saguid iti Environment and Management Bureau (EMB) nga adda ti naipatulod a notice of violation iti VENVI company iti ili ti San Nicolas.
Immuna iti daytoy, adda ti naidanun a reklamo iti Office of the Barangay Affairs ditoy probinsya mainaig iti nabangsit nga angot iti aglawlaw gapu kadagiti rugit nga aggapo iti nasao a kompanya.
Gapu iti daytoy ket nagturong dagiti kameng ti EMB ket nangala da ti influence sample ken inpatulod da iti Regional Office da.
Inbaga na a nangala da ti danom manipod iti Water treatment facility ti nasao a kompanya ket saan a pimmasa daytoy.
Nupay kasta, kuna ni Saguid a saan pay a dimmanon iti Region 1 ti rekomendasyon ti Sangguniang Panlalawigan a pannakasuspenso ti Environmental Compliance Certificate wenno ECC ti Venvi Agro-Industrial Corporation iti ili ti San Nicolas.
