LAOAG CITY – Patuludan ti Commission on Elections (Comelec) dagiti kandidato ti ‘notice to remove’ tapno ikkaten dagiti campaign materials da a nakaikabil kadagiti maipawil a lugar.
Sumagmamano nga aldaw sakbay ti campaign period ket nagsursur ni Commission on Elections Chairman George Garcia iti Maynila no sadinno nga ado dagiti campaign materials a nakita iti sumagmamano a lugar iti ciudad.
Nupay kasta, nagwaras paylaeng dagiti campaign materials iti paset ti Honorio Lopez Boulevard ken dadduma pay a lugar nga immunan a dinalusan ti komisyon.
Gapu iti daytoy, inrakurak ni Special Assistant to the Chairman, Atty Frances Aguindadao-Arabe, inbilinen ti Commission on Elections a mapatuludan dagiti kandidato ti notice to remove campaign materials
Segun pay ken ni Arabe, ti mangidadaulo iti Oplan Baklas, no saan paylaeng nga agtungpal dagiti kandidato ket maalaanen dagitoy ti sinapataan da nga statement ken maiyisoan da ti show cause order.
Immunan a nagpangta ti Commission on Elections a nakasagana da a mangipataw ti maiyannatop a pannusa para kadagiti kandidato a natangken ti ulo na uray umabot pay dagitoy iti panangilungalong da iti pannakadiskwalipika dagiti maseknan.
