LAOAG CITY – Inkonsiderar ti National Press Club (NPC) ti Pilipinas ti inpila a reklamo ni Senador Nancy Binay kontra ken ni Senador Alan Peter Cayetano.
Daytoy ket kalpasan nga inawagan ti National Press Club a maka-allilaw ti sungbat ti Senador iti karit a manginaganan kadagiti sangapulo nga estasion ti radio a nangisayangkat iti scripted interview.
Segun ken ni National Press Club President Leonel Abasola, saan a sinungbatan ken saan nga inlawlawag ni Cayetano dagiti akusasion kontra kenkuana.
Ti kidkiddawen ti ahensya ket ti pananginagan ni Cayetano nangruna ket adda epektona daytoy iti imahe ti media no maipapan iti ethical standards iti kinapudno.
Iti agdama, kinuna ni Abasola a makiuman isuna iti baro a full National Press Club legal committee no ana dagiti reklamo a mabalin nga ipila iti ethics committee.
Iti met biang ni Cayetano, inpalgak na a masapul nga agpokus laeng ni Binay iti isyu.
Gapu iti daytoy, kalikagom a maammuan ti National Press Club ti kinapudno maipapan iti konstruksyon ti baro a Senate Building.
