LAOAG CITY – Inpeksa ni National Security Adviser Eduardo Oban Jr. ti panagdanag iti panangiwayat ti China ti unarmed intercontinental-range ballistic missile iti South Pacific.
Nagballaag ni Oban Jr. a saan daytoy nga ibilang kas ordinario a militar activity gapu ta adda ti epektona daytoy iti regional security.
Immunan nga inbatad ti People’s Liberation Army Navy ti China a maysa kadagiti submarine-da ket nangiwayat ti missile nga agturong iti Pacific Ocean.
Basar iti China, paset daytoy a panangiwayat ti annual military training-da.
Kas sungbat, kuna ni Oban Jr. a ti Pacific ket pagianan dagiti sovereign nations ken umili no sadinnno ti seguridad ken kappiada ket saan a nasken nga iwalin daytoy ken isukat iti saan a kasapulan a panangpakita ti military power.
Innayonna pay a makikadua iti pagilian iti Pacific partners-na iti panawagan para iti nalawlawa a transparency ken napateg nga addang tapno makissayan ti peggad ti miscalculation ken regional instability.
