LAOAG CITY – Addan ti resulta ti lie detector test nga inwayat ti National Bureau of Investigation (NBI) seknan ti maipagarop a panagmolestiya ti nurse iti lalaki a nangbantay iti asawa na a pasyente iti Laoag City General Hospital (LCGH).
Kinumpirmaran daytoy ni Mayor Chyvelle Fariñas ditoy ciudad ti Laoag.
Naamoan a ti maitudtudo iti nasao a pasamak ket ti nurse iti ospital.
Segun kenni Fariñas, saanen a nai-renew ti kontrata ti saanen a nainaganan a nurse.
Maipalagip nga itay kallabes ket inakusaran ti lalaki a namolestiya babaen ti nurse bayat a naka-confine ti asawa na iti nasao nga ospital.
