LAOAG CITY – Inbatad ni Doctor Alan Taylan, agtagikua iti St. Camillus De Lellis Hospital ditoy ciudad ti Laoag a nakasagana dan nga agala kadagiti nursing graduates nga agserbi kas nursing assistant uray saan da pay a nakapasa ti licensure examination.
Inlawlawag ni Doctor Taylan nga awan ti makita na a problema uray saan pay a nakapasa iti board examination dagiti nursing graduates gapu ta uray dagiti kaal-ala na laeng ti lisensya na a nurse ket saan da pay a gamay dagiti trabaho iti ospital.
Kuna na a napateg a ma-expose dagiti nursing graduates iti trabaho iti ospital gapu ta ado dagiti mapidot da nga adal a mabalin nga iyaplikar da iti panageksamen da ti board examination.
Innayon na a dagiti maala a nursing graduates nga agserbi kas nursing assistant ket dakkel a makatulong iti panagkurkurang ti ado a nurses iti pagilyan.
Nupay kasta, inpetteng ni Doctor Taylan a masapol nga adda latta dagiti lisensyadon a nurse a mangbayabay kadagiti maseknan tapno masigurado nga awan ti agbalin a problema iti trabaho da. Mainaig iti daytoy, inpalgak ni Doctor Taylan a mabalin nga agserbi dagiti maseknan iti maysa nga ospital uray mano a
