LAOAG CITY – Inpakaammo ni Ms. Mary Grace Domingo, maysa a Nutritionist – Dietitian II a napintas ti mailunglungalong a gakat ni Senador Imee Marcos a pannakaikkat ti added sugar para kadagiti ubbing nga agtawen ti 6 a bulan agingga 3 a tawen.
Segun kenkuana, ti total sugar ket aggapu iti natural foods idinto nga added sugar ket maipan bayat a maiprosproseso dagiti makan.
Inbatadna nga iti laksid a nasalun-at ti prutas ken nateng ket nasken latta nga adda ti pannakalimitar nga isu a masapol nga agpakonsuktar kadagiti maseknan a doktor.
Kunana a dagiti ubbing ket masapol a bantayan ken bayabayan a naimbag maipapan iti pannangan dagitoy tapno mailiklikda ti saan a nasalun-at a makan.
Mainaig iti daytoy, inlawlawagna a napateg ti carbohydrates para kadagiti ubbing tapno makaipaay ti panagdakkel dagitoy.
Kabayatanna, kuna ni Domingo a masapol ti sugar ti maysa a tao ngem masapol a kitaen nga umuna sakbay nga ipauneg.
