LAOAG CITY – Kalikagom ti National Youth Commission (NYC) nga adda dagiti agtutubo a mangibagi ti kada barangay kn munisipyo iti intero a pagilyan.
Daytoy ti inbatad ni Mr. James Ceasar Ventura, commissioner at large ti National Youth Commission.
Inaramid daytoy ni Ventura bayat iti ibibisita na ditoy probinsya, maysa a bolan sipud nagtugaw kas commissioner at large iti NYC.
Malaksid iti daytoy, inpakaammo ni Ventura nga iti agdama ket manarimaan ti registration ken accreditation iti NYC gapu ta kalikagom da a maaddaan ti direkta a lina dagiti amin nga organisasyon dagiti agtutubo.
Gagem ti nasao nga addang ket tapno al-alisto a maidanun ti aniaman a kalikagom dagiti maseknan nga agtutubo.
Kabayatanna, maragsakan ni Ventura gapu ta naannayas ti transitioning iti NYC.
Innayon na a dakkel ti naitulong ti panagbalin na idi kas executive director iti Ilocos Norte Youth Development Office.
