LAOAG CITY – Inlawlawag ti baro a panagsukisok a ti obesity wenno overweight ket mangipaay ti dakdakkel a tsansa ti colon cancer, breast cancer wenno liver cancer, ken maysa a kangrunaan a rason para iti 10 pay a nagduduma a type ti kanser.
Segun iti panagsukisok ni Hermann Brenner, maysa epidemiologist a kadwana ti German Cancer Research Center (DKFZ) , agarup 11.5 a porsiento ti mai-contribute ti kina-overweight iti panagdevelop ti kanser.
Mainaig iti daytoy, kuna ni Dr. Leitzmann, maysa a professor ken doktor iti nasao nga ahensia a ti diet, body weight, ken pisikal nga aktibidad ti mang-determine iti risgo a pannaka-develop ti kanser.
Kabayatanna, naduktalan pay ti panagsukisok a ti obesity ket mangitunda iti pannaka-develop ti Type 2 diabetes ngem kuna ni Leitzmann a dagiti agkissay ti timbang met ti mangliklik iti risgo ti kanser ken dadduma pay a mabalin a ma-develop a sakit.
