LAOAG CITY – Inaprobaranen ti Office of the President (OP) ti baro a petsa ti panagbiahe iti ballasiw taaw ni Vice President Sara Duterte.
Kinumpirmaran ni Palace Press Officer Undersecretary Atty. Claire Castro ti nasao a banag no sadinno a mangrugi ti panagbiahe manipud Mayo 2 agingga 15.
Inparuk-at ti panangaprobar idi Abril 28 para iti biahe daytoy iti The Netherlands, Republic of Korea, Belgium, Germany ken United Kingdom.
Maipalagip nga immuna a nagkiddaw ti Bise Presidente ti biahe manipud Abril 23 agingga Mayo 15 ngem saan a naikamat ti pannakaaprobarna isu a nabalbaliwan ti petsa.
