LAOAG CITY – Inpakaammo ni P/Lt.Col. Andrew Rabang, Hepe ti Philippine National Police ditoy siudad ti Laoag a manarimaan ti imbestigasion ti Office of the Provincial Investigation and Detective Management Unit maipapan iti pakairamramanan ti maysa a pulis a maipagarup a pinangtaanna ni Mr. James Alasaas a residente iti Brgy. Bengcag ditoy siudad.
Segun kenkuana, naiget a maad-adal ti pannakatingiting iti daytoy no sadino naidanon daytoy iti Katarungang Pambarangay tapno mapagsasaritaan a naimbag.
Mainaig iti daytoy, inbatad ni Police Colonel Frederick Obar, Provincial Director ti Ilocos Norte Police Provincial Office a mangipaneknek a saanda a kanunungan ti asinoman a kameng ti pulisia nga agar-aramid iti maikanniwas iti paglintegan.
Kunana nga ipangpangrunada ti kinatalged dagiti umili rason a kitaenda daytoy a banag tapno saanen a maulit pay.
Inlawlawagna a masapol ti pannakaipatungpal ti disciplinary mechanism iti kapulisan tapno maipasagepsep kadakuada ti rumbeng ken umiso nga aramidenda tapno maliklikan ti kapada nga insidente.
